शैक्षिक गुणस्तर परीक्षण केन्द्रबाट गरिएको मूल्याङ्कनको आधारमा कास्कीको विन्ध्यवासिनी मावि उत्तम
शैक्षिक गुणस्तर परिक्षण केन्द्रबाट लगानी, प्रक्रिया र उपलब्धीका ३ ओटा क्षेत्रका ७९ ओटा सूचकमा आधारित रही विज्ञबाट स्थ्लगत अध्ययन गरिएका ४८६७ विद्यालय मध्य ५ ओटा विद्यालयले ९०% भन्दा बढी नतिजा ल्याएका छन् ।
केन्द्रले विद्यालयको नतिजा विश्लेषणको क्रममा विद्यालयले प्राप्त गरेको कार्यसम्पादन प्राप्ताङ्क (मेरिट) का आधारमा विद्यालयहरुको श्रेणीकरण गरिएको जनाएको छ । विन्ध्यवासिनी मावि पोखरा- १६ ले ९४.५९ अंक प्राप्त गर्दै उत्तम विद्यालयको श्रेणीभित्र पर्न सफल भएको छ ।दोस्रो कञ्चनपुरको भानु मावि ९०.७४ अंक , भक्तपुर दरबार स्क्वायरको पद्यम उच्च मावि ९०.५७ अंक सहित तेस्रो र काभ्रेपलाञ्चोक मंगलटारको मंगल जनविजय मावि ९०.०९ सहित चौथो स्थानमा र ९० अंक सहित रुपन्देही कालिकानगरको कालिका मानव ज्ञान प्रा.वि. पाँचौ भएको छ ।
शैक्षिक गुणस्तर परिक्षण केन्द्रले कुल प्राप्ताङ्कका आधारमा ४०% भन्दा कम ल्याउनेलाई कमजोर, ४० देखि ७०% भन्दा कमलाई सामान्य, ७० देखि ९०% भन्दा कमलाई मध्यम र ९०% देखि माथिलाई उत्तम श्रेणीस्तर रुपमा विद्यालयको स्तर निर्धारण गरेको थियो
No comments:
Post a Comment